ZER DA ERRONKA
Bizkaia, Araba, Gipuzkoa eta Nafarroako Ikastoletako DBHeko mailetako gazteentzako proba.
13-16 urteko gazteak, festa egunetan, parte aktiboa izan dezaten martxan jarri dugun ekintza ikuskizuna.
ZER MOTATAKO PROBAK?
Proba bizi eta zirraragarriak izango dira, taldeka gainditu beharrekoak. Batetik, ikasleen abilezia, indarra eta abiadura neurtuko dira. Bestetik, buruargitasuna, jakintza orokorra eta euskaltzaletasuna ere frogan jarriko dituzte proba hauek.
Jai bakoitzak bere probak izango ditu, ikus bakoitzeko erlaitzean.
ERRONKAREN IZAERA
Ikastolak eta bertako ikasleak protagonista bilakatzen dira, herri ezberdinetako ikasleak, elkarrekin, egun paregabean parte hartuz eta Ikastolen Jaietara datorrenari ikuskizun ederra eskainiz.
Erronkak, ikasleari asko emango eta ematen dio, baina ikasleek Ikastolen Jaiei ere ematen die, egitarauetako ikuskizunik bereziena izateraino. Ondo pasatuz, ondo pasaraziko baitute. Eta noski Euskaraz!
NON OSPATUKO DA?
Ibilaldia, Araba Euskaraz, Kilometroak eta Nafarroa Oinez, ibilbideetan zehar egongo diren guneetan ospatuko da, festan parte hartzen duten denentzat ikusgai.
EPEAK ETA EGUNEKO EGITARAUA
Jai ikastola bakoitzari dagozkion epe eta egitaraua, bere fitxan PROBAK atalean, xehetasunak ikusgai
