Pedagogia Sistemikoak errealitate zabalago bat barnebiltzen duen hezkuntza paradigma berri aurkezten digu: heziketa sistema osatzen duten pertsona guztien emozio eta motibazioen munduan oinarritzen dena. Pedagogia Sistemikoan hezitzailea, ondorengo belaunaldien ezagutzaren kudeatzaile nagusiaren lekuan dago.
Pedagogia Sistemikoak, sistemei hurrenkera ematen dioten legeen ezagutza azaltzen digu. Hurrenkera hau beharrezkoa da haurra garatu ahal izateko arlo pertsonal zein akademikoan. Hezitzaile gisa, familiekin elkarlana eratzeko baliabideak ematen dizkigu, errealitateak eskatzen duenari egokituz, eta begirada berri bat eskainiz.
