Joko erraza, publiko zabalarentzat pentsatua (euskaltzale, ikasle, irakasle, gazte eta nagusi...). "Euskal Herriko Ahotsak" proiektuko bideoak oinarri hartuta, Euskalkitegia jokoan, bideoetako lekukoak zer herritakoak diren asmatzea izango da gakoa.
Eman play bideoari, findu zure belarria, eta erantzun hiztunak zer herritako euskara darabilen. Ahalik eta galderarik gehien asmatzea da erronka. Eta, asmatu ahala, puntuak lortzea eta mailaz igotzea. Proba bakoitzak puntu-kopuru ezberdina balioko du, eta zenbat eta zailagoa izan asmatzea, orduan eta puntu gehiago lortuko dituzu.
Euskalkitegia aplikazioan jokatzeko gutxienekoak:
- Gutxienez 1GB RAM.eko memoria.
- Android 4.X gutxienez.
Oharra: Gomendagarria da WIFI bidez jokatzea, bideoek kontsumo handia dutelako.
Aplikazioa jaitsi eta instalatzeaz gain, online ere jokatu daiteke helbide honetan: http://ikasgelan.ahotsak.eus/jokoak/euskalkitegia.
